راه عشقینده سرشکیم گؤسته ریر هر دم حباب

چهرۀ خطین خیالی چشمیمی قیلمیش مقام،
آچماغا بحرینی جمع اولموش سپارم و شام.
جلوه گاه ائتمیش غبار درگهین مژگانیمی،
ساحل دریایی دوتموش عسکر دارالسلام.
راه عشقینده سرشکیم گؤسته ریر هر دم حباب،
عزم راه ائتدیکجه لشکر، رسم دیر نصب خیام.
جنگ ائدرلر بیر – بیریله تیغین ایچون خوبلر،
رسم دیر لشکرده سولار اوزره قیلماق ازدحام.
سرو لاف حسن ائدر، گؤستر قیامین منع قیل،
باش چکن سرکشلرین دفعینه واجب دیر قیام.
قویما زلفون دوشمه یه ماه رخ رخشانینه،
قیل مشعشع ملکی نین ساحرلره سیرین حرام!
کؤنلومی گؤر، دیده دن گه قان تؤکر، گه قان ایچر،
مدّ و جزرینی تماشا قیل بو دریانین مدام.
دل ائوینه روزن آچ سینه م دلیب تیغینه کیم،
منتظردیر فتح راه کعبه ایچون خاص وعام.
ای کؤنول، دوران چکیب گردونه کیوان محملین،
شمس دن مرریخه وئرمیش توسن زرین لگام.
چرخ قالخانینی زرین قُبّه ائتمیش مهردن،
ماه نو تیغین شفقدن ائیله‌میش گلگون نیام.
فتح اسبابینی یوکلتمیش قطار هفته یه،
احتیاط اوزره اولوب گؤرموش سفر قیدین تمام.
غالباً سلطان دیوان قضا حکم ائیله‌میش
کیم، وئره دارالسّلامه دشمن سرکش سلام.
حاکم تقدیردن دؤورانا اولموش امر کیم،
ائده مُلک بصره یی محروسۀ بغداده رام.
باغلامیش همت بو فرمانی سرانجام ائتمگه،
حضرت پاشای کیوان قدر و گردون احتشام.
سرفراز عاقبت محمود و قطب راسترو،
عادل اقران ایاس نیک رأی و نیکنام.
اول مسیحادم کی، اموات الم احیاسینا
خاک درگاهینده دیر کیفیتی یحیی العظام.
خَلَّدْ اللّهُمَ تَکریما لَنا اِقبالَه
اَحِسن اَللهُمَّ اَیّامِهِ حالَ الانامْ.
ای غبار درگهیندن قدر گردون عاریت،
وی فروغ مهر روییندن صفای صبح وام.
دؤوردن حاصل سنه دایم نشاط مستزاد،
بختدن روزی سنه پیوسته جاه مستدام.
جام بزم رزمین ایچمکده دل دشمن کباب،
دفع نار قهرین ائتمکده خیال خصم خام.
هر شعاع خنجرین برق فنادن بیر شرر،
هر صدای ناوکین ملک عدمدن بیر پیام.
عمرلردیر قتل اعدادن اجل چکمیش الین،
اونو دیوان قضادن تیغین ائتمیش التزام.
حق تعالی دان سنه فتح دمادم لطف خاص،
سندن اهل عالمه لطف پیاپی فیض عام.
رزمگاهینده مزاج تیغ و طبع رُمحینی،
مختلف قیلمیش طریق افتراق و التیام.
چالیشیب هر بیر عدونی تیغین ائتدیکجه ایکی،
هر ایکی بیر اولماغا رُمحینن قیلیر اقدام تام.
قصد فتح ملک قیلمیشسان، مبارک دیر بو رأی،
عزم دفع دشمن ائتمیشسن، میّسردیر بو کام.
چوخ زمانلاردیر کی، صید مردم تجار ایچون
رهگذار هینده قورموشدور حصار بصره دام.
اوندا قانلار یورددوروبدورلار تجرد اهلینه،
گلدی اول دم کیم، چکه تیغین اولاردان انتقام.
تپره نن لشکرمی دیر، یا دجله دیر بغداددن
ائیله‌ییب طغیان جزایردن یانا قیلمیش خرام؟
توتماغ اولماز بؤیله سیلابین یولون خاشاک ایله،
قیلماسینلار منعینه اهل جزایر اهتمام.
یئل بوراخدی هند دریاسینه عزمیندن خبر،
تیتره‌دی دریا، مهابت هند صبحین قیلدی شام.
قیلدی قطب الملکی تحریکین یئرینده منحرف.
گئتدی خوفونله نظام الملک ملکوندن نظام.
وهم تیغین ائیله‌دی اهل فرنگی زردرنگ،
قیلدی گرد لشگرین صحرای هیندی مشکفام.
میشک سؤیلرسم سپاهین گردینه، غلمان خطا
چون فضولی خسته یه اوندان معطردیر مشام.
تا شب و روز اختلافیله مقررردیر مدار،
تا مه وخورشید دورانیندا ممکن دور دوام،
وار امیدیم، خواب غفلتدن حسودون دورماییب،
بختینی بیدار ائده توفیق حی لاینام.