یئنه امید ایله آهنگ بزم وصل یار ائتمک

٠۱ نه خوش دور الده گولگون جام، باشدا عشق سئوداسی،
کؤنولده وصل ذوقی، جاندا جانانلار تمناسی،
کؤنول بیر قاچ زامان اندوه هجران ایله زار ائتمک،
یئنه امید ایله آهنگ بزم وصل یار ائتمک.

نه خوش دور اول مسافر کیم، سفر عزمینی جزم ائیلر،
توتوب راه توکل منزل مقصوده عزم ائیلر.
بولوب سودین سفردن، کسب ائدیب سرمایۀ عشرت،
دؤنوب مولکینه هر منزلده بیر تدبیر بزم ائیلر.
فرحناک اؤیله کیم، بیر نازه نین شهباز صید افکن
آلیر صیدین، اولوب خوشوقت و خرم مایل مسکن.

نه خوش دور آشیان دان دم به دم شهباز پروازی،
شکار اوزره هوا توتماقدا اولماق چرخ همرازی.
اوروب منقار، آچیب چنگال، تؤکمک صیدلر قانین،
یئتیرمک کبک و دوراج و تذروین شهپر آوازی.
آلاندان سونرا صیدین شاد مئیل آشیان ائتمک،
نئجه کیم، فتح ائدیب ملک فرنگی خسرو غازی.
صفا و ذوق ایله مئیل نگارستان روم ائتمیش،
خلافت تختینی مستقدم فیض قدوم ائتمیش.

زهی سلطان روشن رأی، ملک آرای دریا دل
کی، توفیق ظفر اقباله قیلمیش جوهرین قابل،
بینای اهتمامیندان دمادم اولماسا محکم،
طلسم دین حق طغیان کفر ایله اولور باطل.
علوّ اقتداریندان پیاپی بولماسا رونق،
اولور نقش سعادت صفحۀ ایامدان زایل.
شه دونیا و دین سلطان سلیمان شاه عادل دل
رضاسین ساخلایان هم دین، هم دونیا قیلیر حاصل.
حوادث دفعینه عالمده قادیر پادشاه اولدور،
پناه ایسترسه، عالم، خسرو عالم پناه اولدور.

حریم حق چراغی، سلطنت شمع شبستانی،
ریاض عدل سروی، اوج رحمت ماه تابانی،
خلافتده ولایت اهلی نین همتلی سرداری،
ولایتده خلافت تختی نین دولتلی سلطانی.
سکندر تختی نین اقبال ایله مقبول داراسی،
سلیمان ملکونون اثبات ایله وارث سلیمانی.
ملاذ مملکت، ممدوح مللت، مظهر رحمت،
هر آفت دفعی، هر غم چاره سی، هر درد درمانی.
شریعت زیوری، دین رونقی، اسلام آیینی،
مروت منبعی، انصاف دریاسی، کرم کانی
کی، هر کیم هر دیل ایله هر نه وصفین قیلسا، افزوندور،
اونا بنزر شهنشه گؤرمه‌میش تا دور گردون دور.

شهنشاهی کی، گردون درگه قدرینه چاکردیر،
جمعیی مدعاسی فیض دولتدن میسردیر.
نه فرمان کیم، قیلیرسا حق رضاسینه مطابق دیر،
نه یان کیم عزم قیلسا، بختینه توفیق رهبردیر.
فضای بارگاه عدلی نین اعیان مقبولی
سراسر هر بیری عدلینه بیر پاکیزه مظهردیر.
مقدم جمله دن اول سرور صاحب سعادت کیم،
ازلدن طینتی انصاف و عدل ایله مخمّردیر.
نظام العز و الاقبال، سلطان ویس روشندل
کی، دارالملک روم، انوار آدلیله منوردیر.
کؤنول، وقت اولدو، اول قطب زمان دورونده اظهار ائت،
نه مقصد کیم، زمانلار باطن پاکینده مضمردیر.
عدالت طینتی نین طرزینی اول پاک تندن سور،
نبوت خرقه سی نین ذوقینی ویس القرندن سور.

شها، جنت دیلردیم، حق میسر قیلدی دیدارین،
اوماردیم نور رحمت، روزی اولدو شمع روخسارین.
مرادیم کعبه ایدی، طوف درگاهین نصیب اولدو،
چکردیم لعل اوچون حسرت، ایریشدی سمعه گفتارین.
قیلیردیم آرزو حقدن کلید مخزن مقصود،
گؤروندو دیدۀ امیدیمه دست گهربارین.
صفای طلعتین مهو ائتدی کؤنلومدن الم نقشین،
معالج اولدو خاطر، قالمادی تشویشی بیمارین.
طریق عز و اقبالی ایتیرمیشدیم اولوب غافیل،
منی غفلت یوخوسوندان اویاتدی بخت بیدارین.
نه طاعت اجری دیر، یا نه دعا تأثیری دیر، یا رب
کی، مطلوبی میسر اولدو محنت سیز طلبکارین؟
فضولی حسن اطواریله اولموش قربونا مایل،
بودور تأثیری عالمده همیشه حسن اطوارین.
صفای نیت ایله یوخ دعا قیلماقدا تقسیری،
دعا اولسا ریاسیز، بؤیله دیر، البته، تأثیری.

بینای دولتین تا دور گردون وار، وار اولسون!
مدار ائتدیکجه عالم، دولتین عالم مدار اولسون!
مقام ارتفاع قدرینه بیم حوادثدن
همیشه دولت توفیق حق حصن حصار اولسون!
سرای همتین کیم، خلقه سالمیش سایۀ رحمت،
اساسی نصرت و فتح ایله دایم استوار اولسون.
تمامیی اومورین هر جهتدن موجب تحسین،
جمیع خدمتین منظور عین اعتبار اولسون!
سن اولغیل ارجمند مولک، دوشمن قئید غم چکسین،
سن اولغیل سربلند دهر، حاسد خوار و زار اولسون!
فضای بقعۀ بغداد عدلیندن اولوب روشن،
مزاج پاکینه آب و هواسی سازکار اولسون!
سریر حؤکم برج اولیا سن دن بولوب زیور،
صفادن هر گونی نوروز و هر فصلی بهار اولسون!
سنین وصفینله گون-گوندن تاپوب رونق منیم نظمیم،
منیم نظمیمله وصفین ورد اهل روزگار اولسون!
زبان اولدوقجا بیر دم گئتمه سین ذکرین زبانیمدن،
خیال خیدمتین مهو ائتمه سین حق لوح جانیم دن