بوت منیم اؤز بوتوم ایدی، او بوتو قیلدیم خوار

بو نصیحت میلی چون ائتدی منی مست وخمار،
قیردیم هر قیدی کی، انسانی جهانه باغلار،
دنیزه باتدیم، اؤنومدن چکیلیب گئتدی سراب،
بوت منیم اؤز بوتوم ایدی، او بوتو قیلدیم خوار.
باطلی ترک ائده رک، حق یولونو توتدوم من،
اؤلو ایکن دیریلیب، عالمه گلدیم تکرار.
یاشاماقچین من او عشقین اتییندن توتدوم
کی، الیم گئتسه ده، دایم او اتک الده قالار.
فانی عالمده دیر هر غصه، یقین اولدی منه،
طالبم ملک بقایه، نه قدر عمروم وار.
یارب، ائت، مشکلینی حل فضولی نین سن،
سال ره حقه، خلاص ایله خطا راهیندن.