اؤلورسم قانین ایله خاک راه یاری ائیلین گیل
اؤلورسم قانین ایله خاک راه یاری ائیلین گیل،
یاپین بیر خانهی عالی که اولسون جانیما منزل.
بو من بیچاره یول خاندان بولام اول دورّ شهوارا،
كه بحر اشك خون آلود اولوبدور اورتادا هائل.
سر کویوندا عؤمر آخیر اؤلونجه ایستهدیم دلنی،
نه دل گیردی الیمه، سئودیگیم، نه آرزوی دل.
دراز و دور اولوبدور سر گذشتیم قیصهسی جانا،
سنین زولف پریشانین كیمی اولدو ایشیم مشكل.
اگر باران اشكیم اولماسا ای خواجه! بیر دمده،
یاناردی برق ناره آه ایله هم ناقه، هم محمل!
دل آبادیمی طعنه داشیله قیلدیلار ویران،
بو سنگین دللره هئچ کیم ایلاهی اولماسین مایل.
شراب دلخوشی، سن عشرت اهلینه سون، ای گردون!
غریبی ساغر غمله اولوبدور مست لایعقل.