قونچه تک بیر گون گیریبانیمنی چاک ائتسم گرک
قونچه تک بیر گون گیریبانیمنی چاک ائتسم گرک،
تاج نورانی گئییب باشیمنی خاک ائتسم گرک.
گر الیم ایرمزسه کیم توتام او سروین دامنین،
خار غمله گول کیمی سینهمنی چاک ائتسم گرک.
کعبهی کویوندا اغیارین منی قورخوتماسین،
حاجییم، خار مغیلاندان نه باک ائتسم گرک.
احتراز ائتسین فغانیمدان منیم اول سگ رقیب،
تیر آهیملا اونو آخیر هلاک ائتسم گرک.
ای طبیب جان و دل دردیمه قیلمازسان علاج،
اشک ایله آهی سمکدن تا سماک ائتسک گرک.
اینجیمه قانینی ناپاک ائتدیسه خون جگر،
آب چشمیله بوگون من اونو پاک ائتسم گرک.
بیر غریبم من ده قاپیندا غریبی تک شهاء
جان و باشی عاقیبت یولوندا خاک ائتسم گرک.