کئچدی چون موسیم گول، فصل خزان اولدو یئنه

کئچدی چون موسیم گول، فصل خزان اولدو یئنه.
پیر ایکن عالمی، گؤر تازه جوان اولدو یئنه.
حور و غیلمانه دؤنوب شؤوقیله اطفال چمن،
رقصه گیردی، بو جهان باغی جینان اولدو یئنه.
تؤکدو شاباش ائدیبن وارینی ابکار نبات،
صحن بستانی گؤرون گنج نهان اولدو یئنه.
روزگار اؤتدو، گل ای ساقی! هانی دختر رز
بیز اونو گؤرمیه‌لی خئیلی زامان اولدو یئنه.
گنج دیدارا غنی اولدو بوگون بای و گدا،
دوغدو دؤولت گؤنشی، مهدی عیان اولدو یئنه.
گولدن آیریلدی نولا بولبول اگر اولدوسا لال،
ای غریبی! یئری گل، سؤیله سنه نولدو یئنه؟