بنی داو ائتدی، قویدو، گئتدی دل بیر تورک شه کاره

بنی داو ائتدی، قویدو، گئتدی دل بیر تورک شه کاره،
غریبستان آرا قالدیم یئنه تنها و آواره.
طبیبیم! خسته کؤنلوم چشم مستیندن اومار درمان،
دئدیم، آیدیر: علاج ائدرمی هئچ بیمار، بیماره؟
ایکی قاشلار آراسیندان گؤرن اول خال مشکینی،
عجب معجز دگیلمی بیر آیی قیلماق ایکی پاره؟
دل و جان واردی یارین زولف و لعلیله دوچار اولدو،
غریبی بیر قورو تن بیگی دوشدو، قالدی بیچاره.
زر و ماله نئجه بیر چاره فیکر ائیلرسن ای خواجه!
أر ایسن، گل بری بو ازدیاد عؤمره قیل چاره.