منو
بغایت خسته‌دیر جان، دل دمادم ائیلر افغانی
بغایت خسته‌دیر جان، دل دمادم ائیلر افغانی،
بو کؤنلوم، گؤزونون هر دم ایکی گؤزدن آخار قانی.
نیشان ائتسه منی تیرینه اول تورک کمان ابرو،
حلال اولسون اونا قانیم، ایکی گؤز اۆسته قوربانی،
رقیبی هر کؤزرمیش یاراسیله نئیله‌ییم وه کیم،
قارا آفت ایله فرق ائتمز اول آفت مسلمانی.
چیخار کؤنلوندن ای جان سینه‌ی جانان هواسین قوی،
کی وئرمز موره هرگیز بو فلک، تخت سلیمانی.
حوباب ائتمک او زولفو بیر توکنمز فیکیردیر، ای دل!
قو بو سئودانی کیم یوخدور بونون حدّی و پایانی.
یئمز هئچ یوخلوق و وارلیق غمینی کیم کی عاقیلدیر،
کی کئچر عومرو قالماز کیمسنه بو دونیه‌ی فانی.
غریبی! یاری ایسترسن، فنا یولونو توت، وار، کیم،
باهانه ائیله‌ییب جانانی، سئومک خوش دگیل جانی.
طریق حق دیلرسن، پیروی اول شاه طهماسبین،
دوروست ائت قیبله‌نی، وار، قیل طواف اول قطب دؤورانی.
بو کؤنلوم، گؤزونون هر دم ایکی گؤزدن آخار قانی.
نیشان ائتسه منی تیرینه اول تورک کمان ابرو،
حلال اولسون اونا قانیم، ایکی گؤز اۆسته قوربانی،
رقیبی هر کؤزرمیش یاراسیله نئیله‌ییم وه کیم،
قارا آفت ایله فرق ائتمز اول آفت مسلمانی.
چیخار کؤنلوندن ای جان سینه‌ی جانان هواسین قوی،
کی وئرمز موره هرگیز بو فلک، تخت سلیمانی.
حوباب ائتمک او زولفو بیر توکنمز فیکیردیر، ای دل!
قو بو سئودانی کیم یوخدور بونون حدّی و پایانی.
یئمز هئچ یوخلوق و وارلیق غمینی کیم کی عاقیلدیر،
کی کئچر عومرو قالماز کیمسنه بو دونیه‌ی فانی.
غریبی! یاری ایسترسن، فنا یولونو توت، وار، کیم،
باهانه ائیله‌ییب جانانی، سئومک خوش دگیل جانی.
طریق حق دیلرسن، پیروی اول شاه طهماسبین،
دوروست ائت قیبله‌نی، وار، قیل طواف اول قطب دؤورانی.