شرمسار ائتدی بویون سرو سهی نارونی
شرمسار ائتدی بویون سرو سهی نارونی،
سونبولون خوار و خجیل ائیلهدی مشک ختنی.
گؤیلره همسر اولان یئرده بولوت سانما، منیم،
دود آهیمله گؤرونمز فلگین انجمنی.
تانری گؤسترمهسین، ای لیلی! فراقینی منه،
یوخسا مجنون اولوبان، ترک ائدرم پیرهنی.
تا کی سئودیم سنی من، ای یوزو گول، قدّی نهال!
اولدوم اغیارین ایکی گؤزلرینین بیر تیکنی.
هر نفس یاخسا منی عشقین اودو، غم یئمنم،
ساخلاسین «شاه ولی»، کندی پناهیندا، سنی!
نه گوناه ائتدی غریبی که قانین تؤکدو و موژهن،
اؤلدورورلرمی سیزین ائلده افندیم! سئونی؟