منو
بیز ازل گون دست قدرتدن قیزیلباش اولموشوز
بیز ازل گون دست قدرتدن قیزیلباش اولموشوز،
تاج شاهی گئیمیشیز، عشق اهلینه باش اولموشوز
یانمیشسیز پروانه تک شاهین جمالی شمعینه،
عاشیق صادقلریز، عالملره فاش اولموشوز.
آهی برباد ائیله‌ییب، اشکی سویا سالساق نه غم
شاه عشقین ائشیگی خاکینه فراش اولموشوز،
شاه عشقیله گیریب اهل صفا مئیدانینا،
جان ایله باش اویناریز، بو بزمه شاباش اولموشوز.
جان و دل نقدینی شاه یولوندا خرج ائتدیک ولی،
بیز غنی‌ییز، عشق ایله سانمین که قلاش اولموشوز.
طالیب عشقیز بیزه مرشد یئتر بو شاه عشق،
چوخ شوکور آللاها کیم شاه ایله یولداش اولموشوز.
ای غریبی! اشک گؤوهر بار و نظم پاک ایله.
راه عشقینده شاهین گؤر نئجه دور پاش اولموشوز.
تاج شاهی گئیمیشیز، عشق اهلینه باش اولموشوز
یانمیشسیز پروانه تک شاهین جمالی شمعینه،
عاشیق صادقلریز، عالملره فاش اولموشوز.
آهی برباد ائیله‌ییب، اشکی سویا سالساق نه غم
شاه عشقین ائشیگی خاکینه فراش اولموشوز،
شاه عشقیله گیریب اهل صفا مئیدانینا،
جان ایله باش اویناریز، بو بزمه شاباش اولموشوز.
جان و دل نقدینی شاه یولوندا خرج ائتدیک ولی،
بیز غنی‌ییز، عشق ایله سانمین که قلاش اولموشوز.
طالیب عشقیز بیزه مرشد یئتر بو شاه عشق،
چوخ شوکور آللاها کیم شاه ایله یولداش اولموشوز.
ای غریبی! اشک گؤوهر بار و نظم پاک ایله.
راه عشقینده شاهین گؤر نئجه دور پاش اولموشوز.