آه و واویلا که غمدن اولمادیم آزاد من
آه و واویلا که غمدن اولمادیم آزاد من،
بیلمنم بو دهر الیندن کیمه قیلیم داد من؟
حسرتا، حئیفا، دریغا! کئچدی عؤمروم هیجر ایله،
درد و زجر فیرقت ایله اولموشام معتاد من.
گونده یوز اندوها اوغرار من بو غوربت دئیرده،
بیر گئجه - گوندوز خمیله اولموشام دلشاد من.
داغلار تک مین ألم گؤرستمه شیرین جانیما،
روزگارا بیر بلا بسدیر اگر فرهاد من!
سئیل اشکیم غصهنین بونیادین ائتمیشدی خراب،
سنگ غمله سینهده قیلدیم یئنی بونیاد من!
کیمسه یوخدو گوئیا بو گونبد فیروزهده،
تاپمادیم فریادرس، چوخ ائیلهدیم فریاد من.
ای غریبی دل بو حئیرتده خیلاص اولماز مگر،
هیمّت مردان اولا، شاهدان تاپام ارشاد من!