ای دهانین پسته‌ی خندانیمیز

ای دهانین پسته‌ی خندانیمیز،
خاک پایین چشمه‌ی حیوانیمیز.
لبلرینه جانیمیز اولسون فدا،
كیم اودور جان أوزره شیرین جانیمیز.
زولف و روخساریندیر ای روشن جمال،
لیلةالقدر و مه تابانیمیز.
آتش عشقین ایله هر دم چیخار
گؤیلره دود دل سوزانیمیز.
دارو-درمان بسدورور، دردین بیزه.
ای دوای درد بی درمانیمیز!
جنت ایچره جاودانیز نیته کیم،
روضه‌ی کویون دورور بستانیمیز.
تیره‌دیر باختی غریبی‌نین، یئتیش،
ای چیراغ دیده‌ی گیریانیمیز!