گؤزللیک دؤولتینه تا که اولدون، ای پری! مغرور

گؤزللیک دؤولتینه تا که اولدون، ای پری! مغرور،
سنین عشقینده بیر من دنلی هئچ کیم اولمادی مشهور
ایچرسه قانیمی اول چشم مستین، نوش جان اولسون
شراب ناب ایچیجک دائیما خوشحال اولور مخمور.
عجبمیدیر شکست ائتسه کؤنوللر لشکرین عشقین
سن اول شاهسان كه عشق اهلی اوخورلار آدینی: منصور.
طوفئیل اولسون سنین شول خط و خالین حؤكمونه شاهیم،
ختا و هند و توركیستان و روم و مُلكت فغفور.
کؤنول مولکونو غارت قیلمایینجا لشکر عشقین،
غریبی بی‌دلین شهر وجودو اولمادی معمور.