شوخلوق ائیلرسه چشمین، یوخ عجب
شوخلوق ائیلرسه چشمین، یوخ عجب،
مردم مستانهده اولماز ادب.
طورفهدیر یوزونده اول زولف دوتا،
گؤرمهدی بیر گونده هئچ کیم ایکی شب.
جانیمی یاخما شب هیجرینده، کیم
اؤلدوگوندن سونرا چکمز کیمسه تب.
محرم اولدو کویونا اول سگ رقیب،
کعبهیه خادم اولورمو بو لهب؟
دئدیم: ای غنچه! کسیل اول خاردان
خوش تبسم ائیلهییب ترپندی لب،
دئدی: کیم بیمار اولوردو گنج گر،
نیشسیز نوش اولسا، تیکانسیز روطب.
ای غریبی! سنه عاشیقدیرسه یار،
سجدهی شوکر ائت که ائنیر گؤیدن لقب