دل دیوانه کی زولفونله پریشانلیق ائده
دل دیوانه کی زولفونله پریشانلیق ائده،
عجب اولمایا اگر بیسر و سامانلیق ائده.
کؤنول ایستر کی ائده کعبهی کویونو طواف،
نه غم اغیارین اگر خار مغیلانلیق ائده،
ساقیا! عکس لبین جامیمیزا وئرسه شرف،
جورعهمیز جوشه گلیب لجهی عمانلیق ائده.
لب لعلین صیفتین گر گؤره هر باغ و چمن،
آب کوثر آخیدیب، روضهی رضوانلیق ائده.
دئدیم: ایتلیگه قبول ائت منی کویوندا، دئدی:
هر گدا ایستر ایمیش عالمه سولطانلیق ائده!
ای غریبی! خاک راه اولسا علینین ایتینه،
بیر قارینجا، ایکی عالمده سلیمانلیق ائده.