اوروج شهرینی بایرام ائتدی غارت

اوروج شهرینی بایرام ائتدی غارت،
هیلال ائیلر قدح دؤورون اشارت!
ثواب روزه و حج بولا هر کیم،
قیلا میخانه‌دی عشقی زیارت،
مقام اولدو بیزه کونج خرابات.
که دست قدرت ائتمیشدیر عیمارت.
باها وئر باده‌یه، وار نقد عقلی،
ائدرسن سن ده سودای تیجارت!
اورقاش محرابیده طاعت دیلر سن.
وار، ائت خوناب دل بیرله طهارت.
غریبی! ساخلا ایمانی، حذر قیل
که ائدیبدیر یئنه اول تورک، عزم غارت