اگر داغلارجا اندوهون اولورسا سینهده لنگر
اگر داغلارجا اندوهون اولورسا سینهده لنگر،
قوماز آهیم یئلی دل زورقین کویونا دیک ایلتر.
گئدر زولفونو آغزیندان، سلیمان لعلی قیل دعوی
که فرمانیندادیر دیو و توتار امرینی انگشتر.
خاچان کیم عزم گولزار ائیلهسم اول گولعذاریمسیز
گلر کؤنلومه گول، اود؛ گؤزومه هر سبزه بیر نشتر.
گولون قالخانینی سیندیردی جانا غونچه پئیکانی
ساری سوسن آلالدان الینه آلتور کیمی شش پر.
توتوبدور نیلوفر بو لاجوردی گونبدین شکلین،
یوزونو ژالهدن تزئین ائدیبدیر انجم و اختر.
دگیلدیر موج غمده چون بو گیرداب جهان خالی
غریبی! باده دریاسینا گل کیم آتاییم لنگر.