شرابا توبه قیلدیم، شؤقو کؤنلومده، هنوز باقی
شرابا توبه قیلدیم، شؤقو کؤنلومده، هنوز باقی،
خومارام، آچ منه سون اول لب مئیگونی، ای ساقی!
منی مست ائیلهین باده دگیل، اول چشم مستیندیر،
عجبمی طاقتیم طاق ائتسه، ای مه! قاشلارین طاقی؟
یوزوندن کسب ائدرلر آی ایله گون روز و شب نوری،
مه و خورشید دئرلرسه نولاسن شمع آفاقی؟
«چو شادی و جهانگیری غم لشکر نمیارزد،»
یوزوندن بورقعین آچما نئدرسن مونجا موشتاقی؟
جفا کاری دلدار و وفاداری دلدن غئیر،
یوخ بیر[جه] حرف، اوخودوم داستان جمله عشاقی،
یازارسام تا قیامت اشتیاقیم قیصهسین، جانا!
قالار شؤوقونله کؤنلومده یوز ایللیک داستان، باقی.
غریبی بیدلین قورتار یاخاسین شحنهی غمدن،
ادر کاسا و ناولها، الا یا ایها الساقی!