باهار ایامیدیر، واخت گول و می
باهار ایامیدیر، واخت گول و می،
منیمله همنفسدیر نالهی نئی!
زومورّود تخته اولدو شهنشین گول،
خروش و جوش ائیلر بولبول ازوی!
نیقابین آچدی گول، مورغ ائتدی هو! هوی!
می گولرنگ الدن قویما، هئی! هئی!
دوشوبدور کؤنلوموز الدن، آییق توت،
بیزه ساقی! کرم ائیله پیایی.
گؤرونن ژالهمیدیر برگ گولده؟
و یا خود، گول! سنین یوزوندور اول خئی؟
دوغالدان گون کیمی جان ایچره مئهرین،
کؤنولده قالماییبدیر ذرهجهنی.
لبین جامینی نوش ائتسه غریبی،
تاپاردی آب خیضره لاجرم پی.