ترهّاتا اینانما!

آنا گۆلدور، بیر گۆن سولور،
آنا دیلی شیرین اولور.
بیزیم تۆرکی شیرین دیلدیر،
خوش صدالی، زنگین دیلدیر.
دیل — گۆنشدیر، ایشیق ساچار،
سعادته قاپی آچار.
یادین دیلی بویوندوروق!
بیر کئچیددیر، بوروق-بوروق.
قوی یادلاشسین سئناتورلار،
خالقی سویان تاجیر، تۆجّار،
یالتاق شاعیر یولون آزسین،
مدحیّه‌لر شاها یازسین.
گل آتشه، قؽزیم، یانما،
ترهّاتا چوخ اینانما!
زنجی دانماز اؤز دیلینی،
هیندی سئور اؤز ائلینی.
کیمسه یولون چاشیب آزماز،
تۆرکو دئییب، فارسی یازماز.