منو
اییل سولار اۆسته!
اییل سولار اۆسته، تؤکولسون کؤلگه‌ن،
اوخشاسین کؤلگه‌نی چشمه‌نین الی،
قوی دئسینلر قوشلار: — گۆللندی باغچا،
او ساریشین گؤزل باغا گله‌لی.
اییل حلقه‌لنسین سودا ایشیغین،
اریسین سولاردا یاقوتو رنگین.
قوی سنین شؤوقون، سنین شفقین:
کۆلّو ایزلر آچسین بولاقدا درین.
گل سؤنن غۆروبون کهربا رنگی،
بویاسین حیاتین آغ پرده‌سینی.
قوی دینله‌سین کؤنلوم، غملی آخشامدا
باغلاردا خزانین سون نغمه‌سینی...
اساتیرین گؤزل معبوده‌سی تک،
اؤز عشقینله یاندیر، ماجرا کؤنلومو.
او، بایغین باخیشلا، آی تۆرک گلینی،
ائتمه پریشان بو یارا کؤنلومو...
او اودلو باخیشین منی سۆزورکن
آچیلار روحومدا بیر اۆفوق، اوندا
عشقین صباحی کیمی، گۆلور اوزاقدان
ماوی پرده‌لرده سحر انگیز دۆنیا.
اییل سولار اۆسته... آخشام اولدوزو!
سئیر ائت آسیمانین درینلیگینی.
او ماوی عالمین اهتیزازیندا،
قوی زۆلفون اوخشاسین سرینلیگینی.
اوخشاسین کؤلگه‌نی چشمه‌نین الی،
قوی دئسینلر قوشلار: — گۆللندی باغچا،
او ساریشین گؤزل باغا گله‌لی.
اییل حلقه‌لنسین سودا ایشیغین،
اریسین سولاردا یاقوتو رنگین.
قوی سنین شؤوقون، سنین شفقین:
کۆلّو ایزلر آچسین بولاقدا درین.
گل سؤنن غۆروبون کهربا رنگی،
بویاسین حیاتین آغ پرده‌سینی.
قوی دینله‌سین کؤنلوم، غملی آخشامدا
باغلاردا خزانین سون نغمه‌سینی...
اساتیرین گؤزل معبوده‌سی تک،
اؤز عشقینله یاندیر، ماجرا کؤنلومو.
او، بایغین باخیشلا، آی تۆرک گلینی،
ائتمه پریشان بو یارا کؤنلومو...
او اودلو باخیشین منی سۆزورکن
آچیلار روحومدا بیر اۆفوق، اوندا
عشقین صباحی کیمی، گۆلور اوزاقدان
ماوی پرده‌لرده سحر انگیز دۆنیا.
اییل سولار اۆسته... آخشام اولدوزو!
سئیر ائت آسیمانین درینلیگینی.
او ماوی عالمین اهتیزازیندا،
قوی زۆلفون اوخشاسین سرینلیگینی.