ایستی دۆشموش، یایدیر گۆنلر اوزانیب،
سو آزالیب، چاییر چمنلر یانیب.
گۆن قؽزاردیب اکینلری، قورودوب،
بوستانچیلار چؤلده آلاچیق قوروب.
بیچین واختی گلیب چاتیب ایندیجه،
خؽرمان دؤیمک گلیر بیچین آردینجا.
هوولا قوشار بابا، اوشاق دن یئیر،
یورغون، تنبل اؤکوزلری او سؤیر.
گۆنش اونو یای گۆنونده قووورار،
یئل اسرکن خؽرمانلاری سووورار.
خلبیرلهیر آنا دنی، او سلر
توز ایچینده یووارلانار کؤرپهلر.
نعمت ایچره بوگون آجی چای ایچر،
قؽش گۆنونده کورلوق و آجلیق چکر.
آنا سئوینر، اوشاقلاری بوی آتار،
بابا اؤلوب قارا تورپاقدا یاتار.
پالچیق کوما کؤلگه سالار اؤزگییه،
یعنی نسیل خیدمت ائدر خان، بگه.
یای دا بیتر، یئنه گۆنلر قؽسالار،
بوستانچینین باغی اونا وئرمز بار.
تاخیل دولار آنبارینا اربابین
تازهلرکن مالاکئشی آروادین.
فال آچاراق دئیر سئللر آخاجاق،
آج کندلیلر یورد-یوواسیز قالاجاق.
گۆللهنهجک خانین گؤزل سارایی،
بگ آلاجاق بو ایل «دیمگسر پایی».
اوشاقلاری چیچک کسیب بیچهجک.
بو ایل بیر چوخ تازه گلین اؤلهجک.
مال قؽریلیب، باهالاشار داش کلم،
«سام» اسهجک چؤلدن... الالم.