منو
جیغاتی
بیر یاز گۆنو کناریندان کئچدیم من،
گۆلاب تکین سولاریندان ایچدیم من.
بیر سون باهار دیاریندان کؤچدوم من،
گؤزللری گؤزللدن جیغاتی،
مئشه‌لرین گزدیم، گؤردوم صفاسین،
اوخویارکن «امیل زولا» نامه‌سین
«چار اویماغین» دویدوم سسین، صداسین
قروسلاردان آخیب گلن جیغاتی.
قالمادی آه، او دیاردا بو سفر،
نه اؤزومدن، نه سؤزومدن بیر اثر.
یئنه هامان «کاک میرزه»یم، دربه‌در
اتکلرین یئره سرن جیغاتی.
دئمم بو گۆن بو سؤزلرین یئریدی،
سانما «میرزه» بیر سۆموک، بیر دریدی.
اتیم، یاغیم «آغالیق»دا اریدی،
قان-یاش تؤکدوم، اتک-اتک جیغاتی.
قارانقوشلار یئنه گلیر باهاردا
یاوان چؤرک یئییر چوبان ناهاردا.
کیملر اؤلموش، کیملر قالمیش دیاردا؟
سؤیله گؤروم، ماوی اؤرپک، جیغاتی.
دورور یئنه بیر قاپیلی داخمالار؟
یاری گئجه یئنه قویوب قاچان وار؟
گلیر سحر سو دولدورسون گؤزل یار؟
حیطلرده واردیر پتک، جیغاتی؟
بزه‌ییسن کؤهنه، اسکی دیارین،
آزالماسین گؤروم دورو سولارین.
سیلمه، آمان، یارین نقش و نیگارین،
چالخالانما، بیرجه اوتان، جیغاتی.
بیر ده گؤروم چیچکلنیر گؤی چمن!
نه حالدادیر او شبنملی یاسمن.
اوندان بیر سس، یا بیر عطیر گتیرسن
سون باهارلار قان آغلایان، جیغاتی.
او گۆنلر کی، شوغوم بۆتون رنگی‌یله
گؤزلری‌نین آیناسیندا دۆشردی.
دۆشونردی، شیرین-شیرین گۆلردی،
«کاک میرزه»ده پوللو، زنگین بیر اردی؟
او گۆنلردن کئچمیش آرتیق چوخ زامان
باتان گۆندو، اۆفوقلرده هر بیر آن.
گئجه کؤچوب، گۆندوز قونان کاروان.
گئری دؤنمز، قورماز قؽزیل اوجاغین،
ایشیلداتماز، ساریشین آی چؽراغین
اؤپمز بیردن گۆنش یایین یاناغین.
گۆلاب تکین سولاریندان ایچدیم من.
بیر سون باهار دیاریندان کؤچدوم من،
گؤزللری گؤزللدن جیغاتی،
مئشه‌لرین گزدیم، گؤردوم صفاسین،
اوخویارکن «امیل زولا» نامه‌سین
«چار اویماغین» دویدوم سسین، صداسین
قروسلاردان آخیب گلن جیغاتی.
قالمادی آه، او دیاردا بو سفر،
نه اؤزومدن، نه سؤزومدن بیر اثر.
یئنه هامان «کاک میرزه»یم، دربه‌در
اتکلرین یئره سرن جیغاتی.
دئمم بو گۆن بو سؤزلرین یئریدی،
سانما «میرزه» بیر سۆموک، بیر دریدی.
اتیم، یاغیم «آغالیق»دا اریدی،
قان-یاش تؤکدوم، اتک-اتک جیغاتی.
قارانقوشلار یئنه گلیر باهاردا
یاوان چؤرک یئییر چوبان ناهاردا.
کیملر اؤلموش، کیملر قالمیش دیاردا؟
سؤیله گؤروم، ماوی اؤرپک، جیغاتی.
دورور یئنه بیر قاپیلی داخمالار؟
یاری گئجه یئنه قویوب قاچان وار؟
گلیر سحر سو دولدورسون گؤزل یار؟
حیطلرده واردیر پتک، جیغاتی؟
بزه‌ییسن کؤهنه، اسکی دیارین،
آزالماسین گؤروم دورو سولارین.
سیلمه، آمان، یارین نقش و نیگارین،
چالخالانما، بیرجه اوتان، جیغاتی.
بیر ده گؤروم چیچکلنیر گؤی چمن!
نه حالدادیر او شبنملی یاسمن.
اوندان بیر سس، یا بیر عطیر گتیرسن
سون باهارلار قان آغلایان، جیغاتی.
او گۆنلر کی، شوغوم بۆتون رنگی‌یله
گؤزلری‌نین آیناسیندا دۆشردی.
دۆشونردی، شیرین-شیرین گۆلردی،
«کاک میرزه»ده پوللو، زنگین بیر اردی؟
او گۆنلردن کئچمیش آرتیق چوخ زامان
باتان گۆندو، اۆفوقلرده هر بیر آن.
گئجه کؤچوب، گۆندوز قونان کاروان.
گئری دؤنمز، قورماز قؽزیل اوجاغین،
ایشیلداتماز، ساریشین آی چؽراغین
اؤپمز بیردن گۆنش یایین یاناغین.