الا، ائی دیلبریم، یاریم، خرابات،
دیل و جان ایچره دیلداریم، خرابات.
بو ویران دیل سارایین وصل الیله
یاپ، ائی لۆطف ایسسی معماریم خرابات.
منی زار ائتمهسون، دئ، خاری-هیجرین،
آ جان باغیندا گۆلزاریم، خرابات
منی شول جامی-مئیدن مست ائیله
کی، سنسن سطری-اسراریم، خرابات.
منیم بو منلیگیم، مۆلکومو یوغما
چۆن ائتدین، تۆرکو-تاتاریم، خرابات.
محلّهن گۆلخانینون گوشهسیدیر،
سؽغینجیم، بۆرجوم و باریم، خرابات.
گیروو اولسون دا پیری-مئی-فیروشه
مۆرقّع، جۆبّه، دستاریم، خرابات.
اۆمیدیم باد ائتمه، باده وئرگیل،
ائی آب و خاکیم و ناریم، خرابات.
عناصیر، شئش جهات و هفت کؤوکب،
بو دوققوز چرخی-دوّاریم، خرابات.
اگر صوفی ویجودی نور اولورسا،
حدیث و نقل و اخباریم، خرابات.
کلام و حیکمت و علمی-لدنّی
منیم مئهریمدیر، انواریم، خرابات.
بیان و منطیق و قانونی-هئیت،
غزل، قؤولیله اشعاریم، خرابات.
دف و نئی و عود و شئشتا چنگ و بربط،
منیم تصنیفی-ادواریم، خرابات.
مشامی-جانه عطرین بویون ایرگر،
آ طیبّ انفاس، عطّاریم، خرابات.
شو فیرعونی گؤزونله قاره زۆلفین
اولالدان بری سحّاریم، خرابات.
دلی-دیوانه اولدوم مست گؤزوندن،
بیل، ائی دانایی-هوشیاریم، خرابات.
حبیبی نیج ائد ایستیغفار و تؤبه
کی، ازلدن اولدون احراریم، خرابات.
کؤنول چیرکین یو گئتسین فضل الیله،
آ طاهیر، پاک ابحاریم، خرابات.
منی بو ایکیلیکدن بیره ایرگر،
آ هفت و پنجوم و چاریم، خرابات.