قاییتسین

یارب کرم ائت اول بت مهیاره قاییتسین
بیر رحم ائلسین بو دل بیماره قاییتسین
بو دل کی اونا منزل ایدی اولدی خرابه
عزم ائتسه اگر یار داخی هاره قاییتسین
شانه چکیبان چین- چین ائله سال اوزه زلفون
قلاب کیمی اوجلاری رخساره قاییتسین
مرغ دل زارم گئنه آواره قالیپدیر
زلفون خمین آچ تا کی بو آواره قاییتسین
گل رحم ائله قوی عاشقی بیر یاره یئتیشسین
عرضین ائلسین اول بت خونخواره قاییتسین
چون کوکب بختیم یئتیشیپ نحس مقامه
بیر امر ائله تا ثابت و سیاره قاییتسین
عهد ائت ائده سن جانوی سن صدقیله قربان
حیران یار اگر بیر ده بو گلزاره قاییتسین