مئشه‌بگی

کئف اۆستونده کئفیمیزی
گلدی، سوردو مئشه‌بگی.
- بویور! – دئدیک، آتدان ائنیب،
بارداش قوردو مئشه‌بگی

قامچی‌سینی آتدی سولا،
چانتاسینی چکدی دالا.
شیرین-شیرین، بالا-بالا
بیزله ووردو مئشه‌بگی.

ایستی کاباب، تزه فتیر
دویماق اولمور، یئنه گتیر.
بؽغلارینی آرادا بیر
ائشیب دوردو مئشه‌بگی

آلتیمیشی وئریب یئله
دۆشمه‌ییبدیر روحدان هله
قارشیداکی بیر گؤزله
گؤز ده ووردو مئشه‌بگی.

یاتدی بیری – کئفلنرک،
بیرینی ده یؽخدی کۆلک.
حسینله آخیرادک
مؤحکم دوردو مئشه‌بگی