آ قؽزلار

سیز ائله کیمسه‌یله اوتوروب، دورون،
کؤنلونوز نه دئسه یئتیرسین سیزه.
بیر الی داش-قاشلا اویناسین اونون،
بیر الی گۆل-چیچک بیتیرسین سیزه.
خیدمتمی گرکدیر؟
هر خیدمت حاضیر،
بوردا بئچه بالی، اوردا ات حاضیر
منزیل ایسته‌سه‌نیز، عیمارت حاضیر،
گۆنشی اووجوندا گتیرسین سیزه.

حسین عاریفین بیر عرضی ده وار،
چوخدانکی، چوخلاری چوخ شئی آرزولار.
سئونده کاتیبی سئوین، آ قؽزلار،
شاعیرین نیی وار، نه وئرسین سیزه؟!