چکینمه، گۆل! او لطیف، اینجه، نازلی قهقههلر
سیماخ-روحومو اؤپدوکجه مست-ذئوق اولوروم.
شاقیر-شاقیر اؤتوشوندن، ای اندلیب-سحر!
بیر اعتیلا دویاریم، باشقا بیر صفا بولوروم.
نهدن شفقلی بولوتجوقلار اؤیله چؤهرهنده
بیر اهتیزاز ایله نشر ائیلهمکده شبنملر؟
گۆنش گۆلر، بولوت آغلارسا، ای ملکخنده،
سماده قئوس-قۆزحلر ساچار تبسّوملر.
بۆتون بیر عؤمره برابردیر اؤیله هر گۆلوشون،
بیلیرمیسین، گؤزلیم، آه، سن نه آفتسین!؟
بو آب و تاب ایله بیر مئوجهی-لطافتسین.
چکینمه، گۆل! لب-لعلین حیاتی گۆلدورسون؛
شو حاله قارشی بۆتون بنلیگیم قالیر مبهوت،
باق، ایشته هئیکل-جامید قادار اسیر-سۆکوت...