چلیک قوللار

اونلار، او چلیک قوللار، او قوللارداکی قوّت
ساچماقدا قودوز کینلره دهشت.
یوخ، بیر داها گؤرمز او چلیک قوللاری زنجیر،
چؽلدیرسا دا هر قانلی جاهانگیر.

تونج اۆزلو بؤیوک دالغا! سنین قۆدرتین آیدین،
دۆشمنلری دایم هئچه سایدین.
قوش صۆلحه، چالیش، عالمه قوّتله ایشیق وئر،
چارپیشماق اۆچون عزمینی گؤستر.

ای شانلی امک اوردوسو، ای شانلی مۆباریز!
چوخلار سنی ظنّ ائتسه ده عاجیز،
سن یۆکسه‌له‌جک، پارلایاجاق، پارلاداجاقسان،
هر قۆطبه شطارت قاتاجاقسان.