هر قولون جیهاندا بیر پناهی وار،
هر اهل-حالین بیر قیبلهگاهی وار،
هر کسین بیر عشقی، بیر ایلاهی وار،
بنیم تانریم گؤزللیکدیر، سئوگیدیر.
حظّ ائتمهدیم فیرقهدن، جمعیتدن،
ذئوق آلامام حربدن، سیاستدن،
بیر شئی دویمام فلسفهدن، حیکمتدن،
بنیم روحوم گؤزللیکدیر، سئوگیدیر.
گؤزل سئویملیدیر، جلّاد اولسا دا؛
سئوگی خوشدور، سونو فریاد اولسا دا؛
اوغروندا بنلیگیم برباد اولسا دا،
سون دیلداریم گؤزللیکدیر، سئوگیدیر.
گؤزلسیز بیر گۆلشن زیندانا بنزر،
سئوگیسیز بیر باشدا عقربلر گزر،
نه گؤرسم، هانکی بزمه ائتسم گۆذر،
هپ دویدوغوم گؤزللیکدیر، سئوگیدیر.