بن ایستریم کی

بن ایستریم کی، گؤزللر، بۆتون گؤزللیکلر
اوزاق-اوزاق، پک اوزاق بیر اۆفوقده ایلنسین.
اوزاق و اینجه تبسّوملریله شام و سحر،
حیاته نور-صفا سرپه‌رک چیچکلنسین.

گؤزل ملکسه... بولوتلاردا گؤی یۆزونده یاشار،
اوزاق، بشردن اوزاق بیر مۆحیطه مایل اولور.
اوزاق، بشردن اوزاق، گیزلی بیر فضایه قوشار،
یاشار ملک کیبی، خوش بیر خیال-مغفیل اولور.

اوت، اوزاقدا سعادت وار، عشقه حؤرمت وار.
یاقین زهرلیدیر، اما اوزاقدا جنّت وار؛
اوزاقدا وار ابدیت کی، باشقا نعمتدیر.

جیهانی جنّته تشبیه ائدر ده بیر شاعیر،
گؤزل بیر آفتی بعضاً ملک سانیر، سئوینیر،
فقط سعادتی - آلدانما، پک مۆقّتدیر!