منو
اوتوز یاشیندا
اوتوز یاشیندا سارالماق، آچیلمادان سولماق؛
بو ایشته بیر ملکین ویرد-شاعیرانه‌‌سیدیر.
اوتوز یاشیندا گؤمولمک مزاره، محو اولماق؛
بو بیر شیکسته‌عمل دیلبرین ترانه‌‌سیدیر.
اوت، بو سیسلی، دیرسیز حیات اۆچون هر کس،
نه اومسا ج‍ۆمله هدر، هپ بیرر چوجوقجا هوس...
اوتوز یاشیندا!؟ فقط چوخ تۆحاف... ناسیل، نه دئمک!
بو سیرّی بیلمک اۆچون بیر گۆن ائیله‌دیم ایصرار.
او نازلی چؤهره شفقلر ساچیب گۆلومسه‌یه‌رک؛
سئویملی گؤزلری تا قارشی‌سیندا خنده‌نیثار
اولان بیر آینایا معطوف اولوب دا سؤیله‌دی: «باخ!
گۆلومسه‌ین بو رسیم یوخمو؟ سئودیگیم آنجاق
بو لؤحه‌دن، بو گؤزل چؤهره‌دن عیبارتدیر،
من ایسترم او طراوتله دایمی یاشاماق...
او، ییرمی بیر سنه‌لیک قؤنچه‌ی-لطافتدیر
کی، هپ طراوت-حۆسنی‌یله ذؤوق‌یاب اولاراق
حیاتا قارشی گۆلر گؤزلرینده ایستیغنا،
ناسیل دا بنزه‌ییر - اینصاف اۆچون - او چؤهره مانا...
اوت، شبابیمی تصویر ائدن او کؤلگه اۆچون،
پرستیش ائیله‌یه‌رک من حیاتی سئومه‌ده‌ییم.
دویونجا بیر اوفاجیق اینحیطاط او چؤهره اۆچون
ایچیمده حیسّ ائدرم سانکی بیر عذاب-الیم.
شباب و حۆسنله آز-چوخ حیات ایمرَنیلیر؛
شباب-آفل اۆچون حفره‌ی-مزار ائییدیر.
بۆتون قادینلیغی تصمیم ائدن، ازیب بیتیرن،
چولوق-چوجوقلو، مۆشوّش حیات اۆچون دایم
بیر ایشتیکاء دویولور روح-لرزه‌داریمدن،
سۆرکلی عؤمره اونونچون تنفّور ائتمه‌ده‌ییم.
من ایسته‌مم کی، شباب عؤمر اۆچون سۆروکلنسین:
بو فیکره بیر دئیه‌جک وارمی؟ سؤیله الله ایچین!»
— خاییر، گؤزل ملک! اینصاف اۆچون دۆشوندوگونوز
بیر آز خیاله، بیر آز شعره بنزه‌ییرسه ده... سیز
امین اولون کی، آلدانماییرسینیز: یالنیز
بو دادلی فیکری یاشاتماق قولای دئییل، بیلینیز!
بو گۆن، یارین دییشر روحونوز، طبیعتینیز،
او یولدا باشقالاشیر ذؤق-شاعیریّتینیز.
بو گۆن سؽخینتیلی ظنّ ائتدیگین سۆرکلی حیات،
حیات-عائله بیلسن یارین ناسیل سئویلر؟
چولوق-چوجوق سنه ایتحاف ائدر ده خوش نغمات،
او دم گؤزونده جاهان پرده-پرده جیلوه‌لنر.
اینان، او طۆرّه‌ی-شبرنگین اولسا برف‌آلود،
حیاتا سن یئنه مفتون اولارسان... اولما عنود!
بو ایشته بیر ملکین ویرد-شاعیرانه‌‌سیدیر.
اوتوز یاشیندا گؤمولمک مزاره، محو اولماق؛
بو بیر شیکسته‌عمل دیلبرین ترانه‌‌سیدیر.
اوت، بو سیسلی، دیرسیز حیات اۆچون هر کس،
نه اومسا ج‍ۆمله هدر، هپ بیرر چوجوقجا هوس...
اوتوز یاشیندا!؟ فقط چوخ تۆحاف... ناسیل، نه دئمک!
بو سیرّی بیلمک اۆچون بیر گۆن ائیله‌دیم ایصرار.
او نازلی چؤهره شفقلر ساچیب گۆلومسه‌یه‌رک؛
سئویملی گؤزلری تا قارشی‌سیندا خنده‌نیثار
اولان بیر آینایا معطوف اولوب دا سؤیله‌دی: «باخ!
گۆلومسه‌ین بو رسیم یوخمو؟ سئودیگیم آنجاق
بو لؤحه‌دن، بو گؤزل چؤهره‌دن عیبارتدیر،
من ایسترم او طراوتله دایمی یاشاماق...
او، ییرمی بیر سنه‌لیک قؤنچه‌ی-لطافتدیر
کی، هپ طراوت-حۆسنی‌یله ذؤوق‌یاب اولاراق
حیاتا قارشی گۆلر گؤزلرینده ایستیغنا،
ناسیل دا بنزه‌ییر - اینصاف اۆچون - او چؤهره مانا...
اوت، شبابیمی تصویر ائدن او کؤلگه اۆچون،
پرستیش ائیله‌یه‌رک من حیاتی سئومه‌ده‌ییم.
دویونجا بیر اوفاجیق اینحیطاط او چؤهره اۆچون
ایچیمده حیسّ ائدرم سانکی بیر عذاب-الیم.
شباب و حۆسنله آز-چوخ حیات ایمرَنیلیر؛
شباب-آفل اۆچون حفره‌ی-مزار ائییدیر.
بۆتون قادینلیغی تصمیم ائدن، ازیب بیتیرن،
چولوق-چوجوقلو، مۆشوّش حیات اۆچون دایم
بیر ایشتیکاء دویولور روح-لرزه‌داریمدن،
سۆرکلی عؤمره اونونچون تنفّور ائتمه‌ده‌ییم.
من ایسته‌مم کی، شباب عؤمر اۆچون سۆروکلنسین:
بو فیکره بیر دئیه‌جک وارمی؟ سؤیله الله ایچین!»
— خاییر، گؤزل ملک! اینصاف اۆچون دۆشوندوگونوز
بیر آز خیاله، بیر آز شعره بنزه‌ییرسه ده... سیز
امین اولون کی، آلدانماییرسینیز: یالنیز
بو دادلی فیکری یاشاتماق قولای دئییل، بیلینیز!
بو گۆن، یارین دییشر روحونوز، طبیعتینیز،
او یولدا باشقالاشیر ذؤق-شاعیریّتینیز.
بو گۆن سؽخینتیلی ظنّ ائتدیگین سۆرکلی حیات،
حیات-عائله بیلسن یارین ناسیل سئویلر؟
چولوق-چوجوق سنه ایتحاف ائدر ده خوش نغمات،
او دم گؤزونده جاهان پرده-پرده جیلوه‌لنر.
اینان، او طۆرّه‌ی-شبرنگین اولسا برف‌آلود،
حیاتا سن یئنه مفتون اولارسان... اولما عنود!