خورامان-خورامان

پنبه، شفّاف، ایپکلی بیر چارشاف،
لرزیش-صفوتیله هر ساعت
روح-مجروحه ائیلیور ایتحاف.
نازنین بیر فریشته، بیر آفت.
بو تستّور ناسیل دا جاذیبه‌دار!
بوندا پک اینجه بیر لطافت وار.

سانکی بیر نئوشوکوفته گۆل فیدانین
پنبه تۆللر ایحاطه قؽلمیشدیر.
یا کی بیر کئوکب-دیرخشانین
اۆستونو هپ شفقلر آلمیشدیر.
من آچیق شعردن ده حظّ ائدریم،
فقط ان گیزلی شعری پک سئوریم.

آچاراق سیوریلیر چوق آفتلر،
صاف و آزاده سانکی بیر زانباق...
سن امین اول کی، ای شۆکوفه‌ی-تر،
گۆله پک باشقا فر وئریر یاپراق!
سؤیله! دۆنیادا هانکی صنعتکار،
کؤلگه‌سیز بیر رسیمده صنعت آرار!؟

او وۆجود-لطیفی قوی سارسین،
نوردان ایشلنن ایپک تئللر.
بنجه مغرور و مؤحتریز باقیشین
روحو تلطیف ایچین کیفایت ائدر.
اؤرتون! اؤرتون... فقط اونوتما، ساقین!
سنین آچماق زامانین: ایشته یارین!..