اؤرتونمه، دور! کیمسن، نئرهلیسن سن،
گؤزل قاچقین، باشی بلالی قاچقین!
گۆلومسه نور ساچیلسین اۆز گؤزوندن،
ای هر حالی ملک ادالی قاچقین!...
زۆلفونو قوینوندا بسلهمیش گئجه،
سۆزگون گؤزلرین، گۆل اۆزون پک اینجه،
کۆنول مست اولور سن گۆلومسهدیکجه،
ای نازلی داغلارین مارالی قاچقین!
من ایسترم عؤمروم سنینله گۆلسون،
سؤیله، نه دردین وارسا آنلات بۆتون؛
آمان، نه اولدو کی، سن بؤیله دۆشدون
یوردوندان، ائلیندن آرالی قاچقین!
آه، سنی گؤردومده داغیلدی هوشوم،
وورولدوم سنه سانکی بیر سرخوشام،
من ده سنین کیمی غریب بیر قوشام،
گل منه، ای کؤنلو یارالی قاچقین!...