منو
شربتین آجی فیرقتین نوش ائدرم شکر کیمی
شربتین آجی فیرقتین نوش ائدرم شکر کیمی،
جانیمی دوتموشام غمین قارشیسینا سیپر کیمی.
یاخما منی فراقیلن، چۆنکی من، ائی اۆزو قمر،
خالیص و مۆخلیص اولموشام عشقی-رۆخونده زر کیمی.
قورماغا قویما یایینی، سالما منی فراقه کیم،
دوغرامیش اوخلاری آنین یۆرگیمی زهر کیمی.
تا بیلهلر کی، مغریبین گۆنشی دوغدو، ائی قمر،
طۆرفه نیقابینی گؤتور، خالقا گؤرون قمر کیمی.
کیم کی، ملک کیمی سانا قؽلمادی سجده، ائی صنم،
تا ابد آدی دیو ایمیش مۆنکیری-بیبصر کیمی.
گرچی هیدایت ائیلهدی موسایی نارا اول شجر،
عاشیقه هادیدیر اۆزون، نورونا اول شجر کیمی.
صیدقو صفا و ذؤقیلن حقه اولاش و واصیل اول،
ظنّ و گۆمانه مؤحتمیل اولما اگر-مگر کیمی.
سندن ازلده، ائی قمر، عاشیقه گلدی بیر خبر،
بیر دخی سندن ایسترم، آنجیلایین خبر کیمی.
خالو خطین نسیمییی اودا بوراخدی، یاندیریر،
گؤر نئجه خوش یانار، تۆتر، میشک ایله عودی-تر کیمی.