ائتمز امتحان ترکین؟

نه دیر موراد، فلک ائتمز امتحان ترکین؟
گول فسرده قیلیر جؤور گولوستان ترکین.

نئچه قرینه کئچیب، چکمز ال جفاسیندان،
بودور مرامی، قیلا سرو بوستان ترکین.

فراقه دوشموشم، اولموش مودام ایشیم افغان،
مگر گول اولماسا، بولبول ائدر فغان ترکین؟

جهانی ترک ائدرم، جمله دؤولت و وارین،
محال دیر ائله مک بؤیله نوجوان ترکین.

چکیب فراق، اولایدی درد و غم گریفتاری،
سرشکمین، اولومو ائیله مک روان ترکین؟

نه اولدو، گنج روخون ائیله‌دی نهان گؤزدن!
خزینه صاحبی ائیلرمی پاسبان ترکین؟

قدیم رسم دی کیم، مولک دیل اولور ویران،
او دم کی، مملکتین قیلسا خسروان ترکین.

نه باعث اولدو کی، تئز کسدی مندن اونسیّت،
قرار و صبر و توان ائتدی ناتوان ترکین؟!