ناگهان گئتدی

نه یاخشی مونیس ایدی، حیف، ناگهان گئتدی،
منی بو موحنت ارا قویدو الامان، گئتدی.

او سرو نازدان آیری باخارمی سروه گؤزوم،
هیلال تک قددیمی ائیله‌دی کامان، گئتدی.

اونوتدو گوللرینی، قیلدی خانیمان ترکین،
نه باخدی یارلره، چکدی الامان، گئتدی.

نه اولدو عارض ایا، باغبان، بو گولشنده،
آچیلمادی بو باهار گوللری، خزان، گئتدی.

نه تاپدی لذت عشرت، نه گؤردو گولزاری،
باهار فصلینده، یاران بو نوجوان، گئتدی.

منی بو موحنت ارا قویدو دیده سی گریان،
بلالی هیجره سالیب، قویدو باغری قان، گئتدی.

مزارین اوسته گلیب ایله نیم دمادم، اوغول،
دئیرمیسن کی، نه نؤوع ایله ناتوان، گئتدی.