منو
مهربان من ایدیم
سنینله، ای بوت مه روی، مهربان من ایدیم،
انیس – مونیس ایدیم، یار همزبان من ایدیم.
جمالینین گولونه نیش خار تاپمادی ال،
کی، حوسن باغینا پیوسته باغبان من ایدیم.
سریر نازده سن خواب ناز ائدن گئجه لر،
صاباحه تک سر کویینده پاسبان من ایدیم.
سبب نه اولدو منی هیجره مبتلا قیلدین؟
نثار ائدن سر کویینده جسم و جان من ایدیم.
روادی بونجا چکم درد فرقتین، آخیر؟
وصال گونلری، ای دوست، کامران من ایدیم.
بلا خدنگینه، نئیلیم، منی نشان قیلدین،
رقیب طعنه سینه خاطر نشان من ایدیم.
سلامت اهلی نه بیلسین نه‌دی ملامت عشق؟
ائل ایچره شهرت عشق ایله داستان من ایدیم.
غم فراق ایله کؤنلوم اولاندا درهم زار،
اومید وصل ایله هر لحظه شادمان من ایدیم.
دریغ یانمادی یار، گؤرمه‌دی فراق اودونو،
نه اوچون گومان ائله مز عشقده یانان من ایدیم.
همیشه وصلین ایله شاد خرّم اولموشدوم،
بو هیجر اودونا یانان زار و ناتوان من ایدیم.