منو
دلشاد پروانه
اؤزون عشق آتشینه وورماغا دلشاد پروانه،
بلی، بیر دفعه یانماقدان اولور آزاد پروانه.
گؤرور مجلس لر ایچره شمعی هر شب یاری اغیاره،
اونونچون یانماغین طرحین قیلیر بنیاد پروانه.
سنه ای شمع، تهمت لر قالیر معشوقه‌لر ایچره،
اگرچی خرمن عمرون قیلیر برباد پروانه.
دئمه معشوق بی پروادیر شمعه کیم، ملامت دن،
وئریب جان صوبحه تک، اولدو وفادن شاد پروانه.
بیلیب شمعین وفاسین، جسم جانین آتشه یاخدی،
غم هیجر دم وصلینده ائتدی شاد پروانه.
جفایه هیجریدن جانه یئتیب شؤوق وصال ایله،
یانیب شمعین اودونا، ائتمه‌دی فریاد پروانه.
یانار چون ناتوان خسته مودام اول آتش غمدن،
صبور اول، ائیله عادت، شیوۀ اوستاد، پروانه!