اول تۆرک-پریوش کی، گؤزو عین-بلادور
اول تۆرک-پریوش کی، گؤزو عین-بلادور،
محراب-قاشی بیله گؤزو قیبلهنومادور.
خطّی خیضر و لعل-لبی چئشمهی-حئیوان،
زۆلفی پر-طاووس، ولی باغری قارادور.
سنسیز نفس-کؤنلومه یوخ راحت و آرام،
بیلمن نیه بو قان اولا سینه، نه بلادور.
بیر سؤز بیله یۆز مۆردهیه جان وئردی دوداغین،
آغزینجه اگر وار، ولی دار-شیفادور.
تبریزده چوخ سروقد، لالهروخ، امّا،
من سئودوگوم اول سبزخط، آل قبادور.
من بندهنی محروم قؽلیب سن ائشیگیندن،
عادیل شهیدن ظۆلم و تعدّی نه روادور.
تا خوان-نواییدن آلور چاشنی-شعر،
قول کیشوری عۆشّاقارا بیر اهل-نوادور.