تۆرکینین کیم، قصدی جان-ناتوان قؽلماقدادور
تۆرکینین کیم، قصدی جان-ناتوان قؽلماقدادور،
قویماگیل کیم، مست اولوب هر گوشه قان قؽلماقدادور.
قانلو کؤنلوم بیر گۆل-رعنایه عاشیقدور، ولی
غؤنچه تک قاندور بو درد ائلدن نیهان قؽلماقدادور.
بیلمزم کیم، نئیلهدیم اول بیوفا حقینه کیم،
نئجه یاخشیلیق قؽلورمن قصد-جان قؽلماقدادور.
قاشلارین یایینی دارتار خسته جانانی گؤروب،
اول حرامی تک کی، قصد-کاریوان قؽلماقدادور.
گر صبا قؽلدی پریشان زۆلفینی قاییرما کیم،
عنبر-تردن یۆزونه سایبان قؽلماقدادور.
چۆن گئدیر تندن کؤنول افغان قؽلورسا قؽلما عئیب
کیم، عزیز مهمانی ائودن اول روان قؽلماقدادور.
خانومان فیکریندهدورلر روز و شب خلق-جهان،
کیشوری-خسته ترک-خانومان قؽلماقدادور.