آلما، جانا، جانیمی کیم، جان ایلن یارم سانا

آلما، جانا، جانیمی کیم، جان ایلن یارم سانا،
بی‌وفالیق قؽلما کیم، یار-وفادارام سانا.

یوسیفین گرچی خیریداری چوخ ایرور حۆسن ایله،
نقد-جان بیرله من-بی‌دیل خیریدارام سانا.

کئچدی عؤمروم ناله و زاری بیله سندن ایراق،
قؽل ترحّوم بیر نظر کیم، عاشیق-زارم سانا.

قیسمتیم اندوه و غم بولدیسه سندن یوخ عجب،
من چۆ قیسمت گۆنیدن برل و گیریفتارم سانا.

دئمه کیم، یوخ کیشوری‌نین کؤنلوده مئهریم منیم،
مهریبانم، حق بیلور، جان بیرله تا وارم سانا.