دۆشموشم بیر حاله سنسیز ناتوان و زار اولوب
دۆشموشم بیر حاله سنسیز ناتوان و زار اولوب
کیم، اجل یانیمدان آیریلماز مانا غمخوار اولوب.
حسرتا، دردا، دیریغا کیم، بو بخت-تیرهدن،
قالمیشام من یارسیز، یار اؤزگلرنن یار اولوب.
بیلمزم کیم، نئیلهدیم بو قان اولاسی کؤنلومه
کیم، قاچار هر یان من-بیچارهدن بیزار اولوب.
قدّ و یۆزوندن ایراغ باغ-بهیشتی نئیلرم،
سرو و گۆل هر بیری آیرو، گؤزلریمده خار اولوب.
صورتین تا گؤردو، جانا، خسته خاطیر کیشوری،
باخا قالمیش ائشیگینده صورتی دیوار اولوب.