منو
غم یئمه
ماهی-کنعانین باتیب، ائی پیری-کنعان، غم یئمه!
تا گۆلوستانین اولوبدور بئیتی-اَحزان، غم یئمه!
ائی دیلی-مؤحنت‌زده، اول شاد، لبریزی-سۆرور،
کسب نامردی قؽلار افکار و ویجدان، غم یئمه!
اولمادی مقصودونوزجا دؤوری-چرخی-کج‌مدار،
قالمالیدیر بؤیله حالت اۆزره دؤران پایدار،
قیسمتیندیر، ائتگیلن هم روز، هم شب ناله، زار،
ائی رعیّت، ائی فقیر و فعله، دئهقان، غم یئمه!
صبح تئزدن دور آیاغه، شامه‌تک چک زحمتی،
گۆجلولردن ده ائشیت، هر نؤع فؤحش و تؤهمتی،
سن ذلیل اول، عیبی یوخ، قوی گۆجلو چکسین لذّتی،
قوی سنی خوار ائیله‌سینلر خان و اعیان، غم یئمه!
اؽشله، قوی قدّین بۆکولسون، ایشله، آلنین ترله‌سین،
اؽشله، آج قال، آج بهاییمتک عیالین چرله‌سین،
ظۆلمدن فریاد و دادی قوی دیلین ازبرله‌سین،
غارت ائتسین روزونو مولّا و بی، خان، غم یئمه!
چچگیلن عؤمرون چاتینجا، بینوا، آه و فغان،
بؤیله پۆنهان سیرّلر اولماز سنه هرگیز بیان،
مولّا نصرالدّین، «لسان‌الغیب»ه اولدون ترجومان،
روحی-پاکیندیر سنه هر دم ثناخوان، غم یئمه!
اؽلک دفعه «مولّا نصرالدّین» ژورنالیندا (2 ایون، ۱۹۰۶، № 9) «ایمضاسیز چاپ اولونموشدور