کیم کی، سئودای-سر-زۆلف-پریشانه دۆشر
کیم کی، سئودای-سر-زۆلف-پریشانه دۆشر،
گاه زیندانه، گهی چاه-زنخدانه دۆشر.
آفت-دهر دیر اول کسه کیم، کامیلدیر،
ماه هر گۆن کی، کماله یئته، نؤقصانه دۆشر.
مرد ایگیتلر اؤزونه محبسی مئیدان بیلیر،
سانما کیم، ناکس و نامرد بو مئیدانه دۆشر.
عئیبدن صاف چؽخار، پاک و مۆبرّا گؤرونور،
هر طلا کیم، کۆرهی-آتش-سوزانه دۆشر.
پیچ و تابه دۆشنین ایشی، بلی، اۆزده اولور،
زۆلف بو وجهله رۆخسارهی-تابانه دۆشر.
هر یامان یئر کی، اولور – یاخشیلارین منزیلیدیر،
لعل داش ایچره، خزینه دخی ویرانه دۆشر.
شام-غم شادلیق ایّامینا خوش زیوردیر،
نئجه کیم، خال-سیه عاریض-جانانا دۆشر.
ائی ویدادی، غم-زیندانه گیریفتار اولماق،
بیر سنه، بیر منه، بیر یوسیف-کنعانه دۆشر.
عشقه دۆشمک سنه دۆشمز، قوجالیبسان بئله دور،
بئله ایشلر یئنه واقیف کیمی اوغلانه دۆشر.