منو
آلدی جانیم ناز ایله اول گؤزلری شهلا پری
آلدی جانیم ناز ایله اول گؤزلری شهلا پری،
لبلری پۆسته، یاناغی لاله‌ی-حمرا پری،
جیسمی گۆل، باشدان آیاغا قامتی رعنا پری،
سرودن یئیرک، صنوبردن دخی بالا پری،
یاورو لاچین گؤزلو، توپغون سینه‌لی سونا پری.
گؤزلری مستان، صۆراحی تک چکیلمیش گردنی،
قارا زۆلفو مۆشک و عنبر، آغ بدن گۆل خرمنی.
ساچلاری رئیحان قوخولو، قوینو جنّت گۆلشنی،
لبلری کؤثر مکانی، آغزی شکّر معدنی،
سؤزو شیرین، اؤزو اما خوسرو اعلا پری.
آل گئییب الوان لچک اؤرتر، گۆلاب افشان چؽخار،
ساناسان، بۆرج-فلکدن بیر مه-تابان چؽخار،
سئیرینه عالم سراسر هر طرف، هر یان چؽخار،
عقل اوچار باشدان، اۆرک اوینار، جسددن جان چؽخار،
گؤز اوجویلا هر کیمه ائیلر نیهان ایما پری!
ائی منیم ماهیم، سنه بو شهر، بو ائللر فدا!
باسدیغین تورپاغا هردم، لاله‌لر، گۆللر فدا!
ساچی‌نین هر مویینه یۆز ساچی سۆنبوللر فدا!
لهجه‌ی-گؤفتارینا گۆلشنده بۆلبوللر فدا!
قاشی‌نین بیر تاغینه قوربان ایکی دۆنیا، پری.
واقیفم، جانیم سنه هردم فدالر ائیلرم،
آه چکیب هیجرینده قارغو تک صدالر ائیلرم،
درگهینده کلبینه چوخ ایلتیجالر ائیلرم،
گئجه-گۆندوز عؤمرونه خئیر و دۆعالر ائیلرم،
ساخلاسین دهرین بلاسیندان سنی مؤلا، پری!
لبلری پۆسته، یاناغی لاله‌ی-حمرا پری،
جیسمی گۆل، باشدان آیاغا قامتی رعنا پری،
سرودن یئیرک، صنوبردن دخی بالا پری،
یاورو لاچین گؤزلو، توپغون سینه‌لی سونا پری.
گؤزلری مستان، صۆراحی تک چکیلمیش گردنی،
قارا زۆلفو مۆشک و عنبر، آغ بدن گۆل خرمنی.
ساچلاری رئیحان قوخولو، قوینو جنّت گۆلشنی،
لبلری کؤثر مکانی، آغزی شکّر معدنی،
سؤزو شیرین، اؤزو اما خوسرو اعلا پری.
آل گئییب الوان لچک اؤرتر، گۆلاب افشان چؽخار،
ساناسان، بۆرج-فلکدن بیر مه-تابان چؽخار،
سئیرینه عالم سراسر هر طرف، هر یان چؽخار،
عقل اوچار باشدان، اۆرک اوینار، جسددن جان چؽخار،
گؤز اوجویلا هر کیمه ائیلر نیهان ایما پری!
ائی منیم ماهیم، سنه بو شهر، بو ائللر فدا!
باسدیغین تورپاغا هردم، لاله‌لر، گۆللر فدا!
ساچی‌نین هر مویینه یۆز ساچی سۆنبوللر فدا!
لهجه‌ی-گؤفتارینا گۆلشنده بۆلبوللر فدا!
قاشی‌نین بیر تاغینه قوربان ایکی دۆنیا، پری.
واقیفم، جانیم سنه هردم فدالر ائیلرم،
آه چکیب هیجرینده قارغو تک صدالر ائیلرم،
درگهینده کلبینه چوخ ایلتیجالر ائیلرم،
گئجه-گۆندوز عؤمرونه خئیر و دۆعالر ائیلرم،
ساخلاسین دهرین بلاسیندان سنی مؤلا، پری!