منو
ائی صبا، یارا دئ کیم، آواره گؤردوم واقیفی
ائی صبا، یارا دئ کیم، آواره گؤردوم واقیفی،
غم الیندن بی‌کس و بیچاره گؤردوم واقیفی،
باغری اولموش سربه‌سر صدپاره گؤردوم واقیفی،
عاقیبت سالمیش اؤزون اودلاره، گؤردوم واقیفی،
گئجه-گۆندوز مۆنتظیر دیداره گؤردوم واقیفی.
بیر یانار آتش سالیب پروانه تک اعضاسینه،
اوخشاییبدیر دهرده عاشیقلرین رۆسواسینه،
ناله ائیلر گئجه-گۆندوز، یالواریر مؤلاسینه،
باش قوشوب ائیله سنین اول زۆلفونون سئوداسینه،
بیر زامان باسماز آیاق بازاره، گؤردوم واقیفی.
قامت-مؤزون ایله بیر سرو-گۆلشنسن، گؤزل،
ایکی دۆنیانین صفا و ذؤقونه تنسن، گؤزل!
ایتمه‌یه گؤزدن، کؤنولدن آیریسان، گئنسن، گؤزل!
فیکری، ذیکری، دئدیگی دانیشدیغی سنسن، گؤزل،
مایل اولماز هر یئتن گؤفتاره، گؤردوم واقیفی.
قاشلاریندان آیری اول محرابی گؤرمز گؤزلری،
ائیله‌مز شمسه نظر، مهتابی گؤرمز گؤزلری.
عاریضین ایستر، گۆل-سیرابی گؤرمز گؤزلری.
آغلار ائیله گئجه-گۆندوز، خوابی گؤرمز گؤزلری،
یاندیریبدیر جانینی اودلاره، گؤردوم واقیفی.
سؤیله کیم، باشین اۆچون، بیر لۆطف قؽل، ائی گۆلعوذار!
ساللانیب سرو-روان تک بو یانا ائیله گۆذار،
گئجه-گۆندوز درد و غم ائتمیش منی جاندان بئزار،
گؤرمگه دیدارینی هردم چکر چوخ اینتیظار،
گؤزلرین دیکمیش باخار یوللاره، گؤردوم واقیفی.
غم الیندن بی‌کس و بیچاره گؤردوم واقیفی،
باغری اولموش سربه‌سر صدپاره گؤردوم واقیفی،
عاقیبت سالمیش اؤزون اودلاره، گؤردوم واقیفی،
گئجه-گۆندوز مۆنتظیر دیداره گؤردوم واقیفی.
بیر یانار آتش سالیب پروانه تک اعضاسینه،
اوخشاییبدیر دهرده عاشیقلرین رۆسواسینه،
ناله ائیلر گئجه-گۆندوز، یالواریر مؤلاسینه،
باش قوشوب ائیله سنین اول زۆلفونون سئوداسینه،
بیر زامان باسماز آیاق بازاره، گؤردوم واقیفی.
قامت-مؤزون ایله بیر سرو-گۆلشنسن، گؤزل،
ایکی دۆنیانین صفا و ذؤقونه تنسن، گؤزل!
ایتمه‌یه گؤزدن، کؤنولدن آیریسان، گئنسن، گؤزل!
فیکری، ذیکری، دئدیگی دانیشدیغی سنسن، گؤزل،
مایل اولماز هر یئتن گؤفتاره، گؤردوم واقیفی.
قاشلاریندان آیری اول محرابی گؤرمز گؤزلری،
ائیله‌مز شمسه نظر، مهتابی گؤرمز گؤزلری.
عاریضین ایستر، گۆل-سیرابی گؤرمز گؤزلری.
آغلار ائیله گئجه-گۆندوز، خوابی گؤرمز گؤزلری،
یاندیریبدیر جانینی اودلاره، گؤردوم واقیفی.
سؤیله کیم، باشین اۆچون، بیر لۆطف قؽل، ائی گۆلعوذار!
ساللانیب سرو-روان تک بو یانا ائیله گۆذار،
گئجه-گۆندوز درد و غم ائتمیش منی جاندان بئزار،
گؤرمگه دیدارینی هردم چکر چوخ اینتیظار،
گؤزلرین دیکمیش باخار یوللاره، گؤردوم واقیفی.