منو
بیر خلوت یئر اولا، اغیار اولمایا
بیر خلوت یئر اولا، اغیار اولمایا،
اوندا صؤحبت ائدک ایکیمیز بئله.
ال-اله توتوشوب دئیک، گۆلوشک،
توتاق بیر خوش اۆلفت ایکیمیز بئله.
قول-بویون اوتوراق، سۆرتک اۆز-اۆزه،
باخاق بیر-بیرمیزه گؤز سۆزه-سۆزه.
گاه-گاه قوجاقلاشیب کؤیوس-کؤیوسه
گؤرک لبدن لذّت ایکیمیز بئله.
سۆرمه‌لنسین آلا گؤزلر شوخ اولسون،
سیاه کیرپیک اوجو آلماز اوخ اولسون،
سگ رقیبلر آرالیقدان یوخ اولسون،
گزک بیر فراغت ایکیمیز بئله.
دویونجا ذؤق آلاق ناز و غمزه‌دن،
اندیشه چکمه‌یک هئچ بیر کیمسه‌دن،
هر گئجه‌لر، شیرین-شیرین، صۆبحتن
ائیله‌یک حکایت ایکیمیز بئله.
واقیف، یاردان ائشیت گلن جاوابی،
آچاق اۆزدن، گؤزدن تامام نیقابی،
گه-گه ایچیب سرخوش اولاق شرابی،
گۆنده سۆرک وحدت ایکیمیز بئله.
اوندا صؤحبت ائدک ایکیمیز بئله.
ال-اله توتوشوب دئیک، گۆلوشک،
توتاق بیر خوش اۆلفت ایکیمیز بئله.
قول-بویون اوتوراق، سۆرتک اۆز-اۆزه،
باخاق بیر-بیرمیزه گؤز سۆزه-سۆزه.
گاه-گاه قوجاقلاشیب کؤیوس-کؤیوسه
گؤرک لبدن لذّت ایکیمیز بئله.
سۆرمه‌لنسین آلا گؤزلر شوخ اولسون،
سیاه کیرپیک اوجو آلماز اوخ اولسون،
سگ رقیبلر آرالیقدان یوخ اولسون،
گزک بیر فراغت ایکیمیز بئله.
دویونجا ذؤق آلاق ناز و غمزه‌دن،
اندیشه چکمه‌یک هئچ بیر کیمسه‌دن،
هر گئجه‌لر، شیرین-شیرین، صۆبحتن
ائیله‌یک حکایت ایکیمیز بئله.
واقیف، یاردان ائشیت گلن جاوابی،
آچاق اۆزدن، گؤزدن تامام نیقابی،
گه-گه ایچیب سرخوش اولاق شرابی،
گۆنده سۆرک وحدت ایکیمیز بئله.