بو گۆن بیر عجایب گؤزل سئومیشم

بو گۆن بیر عجایب گؤزل سئومیشم،
بئله‌سی اولامماز هئچ ویلایتده،
ساناسان کی، جامالیندان نور یاغیر،
یارانیبدیر، یا رب، نه خوش ساعتده.

آل چارقاتدان یاشماق توتوب چنه‌یه،
سیمین یاراشدیریب زر نیم‌تنه‌‌یه،
دئییلدیر برابر هئچ کیمسه‌نه‌‌یه،
خوبلارین شاهیدیر شأن و شؤوکتده.

گۆلاب‌ ایلن زۆلفون جؽغاسین اَیر،
اۆزونه باخاندا قان اولور جیگر،
گؤیدن یئره ائنمیش ملکدیر مگر،
یوخسا اینسان اولماز بئله صورتده.

بیلَگی، بازوسو، هر بندی گؤزل،
گردنده زۆلفونون کمندی گؤزل،
آینا توتدو، دوردو بزندی، گؤزل،
ساللاندی، گؤره‌سن، نه قیامتده.

سونا جؽغاسی تک سرینده تئلی،
آغ گۆل یارپاغی تک آیاغی، الی،
جیسمی دولو، نازیک بدنی، بئلی،
گؤرمه‌میشم دیلبر بو نزاکتده.

آییرایدین اوباسیندان، ائلیندن،
بیر خلوتده توتا ایدین الیندن،
امیدین آغزیندان، شیرین لبیندن،
گؤره‌یدین نئجه‌دیر داددا، لذّتده.

نؤوجاوانلار قوی همیشه وار اولسون،
اما کی، بیزلردن خبردار اولسون.
واقیفین دوعاسی سنه یار اولسون!
سنی حاق ساخلاسین عؤمرو دؤولتده.