منو
بی‌وفاسان، سندن اۆز دؤندرمیشم
بی‌وفاسان، سندن اۆز دؤندرمیشم،
یالانچی‌یا، بی‌ایقرارا باخمارام.
سنی اوخ کیرپیگه حسرت قویارام،
باغرین اولسا پارا-پارا، باخمارام.
هاردا گؤرسن بیر سئوگیلی کیمسه‌نه،
ایستر کی، خیالین تئز اونا دؤنه.
منیم یاریم گرک باخا بیر منه؛
غئیری اۆزه باخان یارا باخمارام.
نیقاب چکیب اۆزه، خالی گیزلرم،
سیاه زۆلفو، رنگ-آلی گیزلرم،
قؤنچه تکی گۆل‌جامالی گیزلرم،
ساللام سنی آه و زارا باخمارام.
یانیمدا اعتیبار ساتا بیلمزسن،
بوینوندان گۆناهین آتا بیلمزسن،
بیزیمله ایختیلاط قاتا بیلمزسن،
دانیشما کی، او گؤفتارا باخمارام.
واقیفی دئرلردی چوخ گؤزل‌سئون،
ائله بیلدیم سن ده اونون کیمیسن،
بیلدیم ایندی، والله، سنده‌کی‌نی من:
بی‌وفاسان، بی‌ایقرارا باخمارام.
یالانچی‌یا، بی‌ایقرارا باخمارام.
سنی اوخ کیرپیگه حسرت قویارام،
باغرین اولسا پارا-پارا، باخمارام.
هاردا گؤرسن بیر سئوگیلی کیمسه‌نه،
ایستر کی، خیالین تئز اونا دؤنه.
منیم یاریم گرک باخا بیر منه؛
غئیری اۆزه باخان یارا باخمارام.
نیقاب چکیب اۆزه، خالی گیزلرم،
سیاه زۆلفو، رنگ-آلی گیزلرم،
قؤنچه تکی گۆل‌جامالی گیزلرم،
ساللام سنی آه و زارا باخمارام.
یانیمدا اعتیبار ساتا بیلمزسن،
بوینوندان گۆناهین آتا بیلمزسن،
بیزیمله ایختیلاط قاتا بیلمزسن،
دانیشما کی، او گؤفتارا باخمارام.
واقیفی دئرلردی چوخ گؤزل‌سئون،
ائله بیلدیم سن ده اونون کیمیسن،
بیلدیم ایندی، والله، سنده‌کی‌نی من:
بی‌وفاسان، بی‌ایقرارا باخمارام.